@ Copyright By : Ken Latuconsina
ALBUM FOTO
Check in..
Check in..
Coffee Break..
Selamat Pagi Dunia...
Read a book...
Kawal Jaksa M. Sidik Latuconsina..
Duet Bareng Bung Rani Aleka...
Penjaga Gawang Pintu Kota - Latuhalat
Mo Kondangan di mana nih Mas...??
Enjoy with Cocacola...
Reporter dari TV mana nih..???
Lho kok, ini acara wisuda atau lomba nyanyi sih..???
Ikut seleksi Tim Volly Pra-PON Sul-Sel di GOR Mattoangin Makassar
Ini Ellias Pical atau Tyson ya...??Dari sasana tihju mana nihhh...???
Komandan Makassar Barat...
Wuihhh... Sangar banget nih orang....kayak Om Arnold Schawzeneger aja nih
Di Hatuhaha dong bilang SASUIT, di Ambon dong bilang BASTORI, deng kalu di Makassar dong bilang PACARITTA..Seng tau kalu di Jawa sana dong bilang akang apa..??
========================
ACARA BIKING HASIDA DENG NASI PULUT SIRAM DI GRAHA STUSSY PAMAKIRI
(06062007)
 | Cool Slideshows! |
Di Hatuhaha dong bilang SASUIT, di Ambon dong bilang BASTORI, deng kalu di Makassar dong bilang PACARITTA..Seng tau kalu di Jawa sana dong bilang akang apa..??
========================
ACARA BIKING HASIDA DENG NASI PULUT SIRAM DI GRAHA STUSSY PAMAKIRI
(06062007)
Yang namanya biking acara / jaminan bagi katong ana - ana di bagian Makassar Barat (pusat kota) itu su jadi harga mati alias rutinitas tiap minggu . Biasanya katong biking acara itu setiap akhir pekan (malam minggu dan hari minggu). Kalu malam minggu, katong pung menu - menu jaminan itu berupa menu jenis kue - kue. Kalau dalam dunia chef (koki profesional) dong bilang akang appetizer (hidangan pembuka) deng dessert (hidangan penutup). Nanti baru untuk hari minggu siang, katong pung jaminan itu berupa main course (hidangan utama). Tiap minggu, katong salalu ganti - ganti menu deng ganti tempat biking acara. Menu yang sering katong biking akang itu : HASIDA, NASI PULUT, KOLAP, ONDE - ONDE deng LAMET. Pokoknya makanan - makanan yang salalu katong makan akang waktu buka puasa. Tapi o, selain menu - menu itu , ada banya menu yang katong masih balom sempat biking akang aleeeee... yaitu NASI BULU, KASBI KAKUSANG, TOHO - TOHO, URAP, dll. Bukang karna katong seng tau biking akang, tapi seng tau kanapa e, katong pamalas biking akang.
Sedangkan katong pung tampa biking acara itu biasa katong rolling di masing - masing pung tampa kost. Ya'uwa he, beta balom kaskanal katong pung personil sekalian deng masing - masing pung markas. Kalu beta deng Patrix (Patty Salampessy) tinggal di GRAHA KUMALA PAKAPITA. Kalu di GRIYA MAPPAODANG PAMALONA ada Melkhy (Malik Tuasikal), Fhaldien (Fahmy Marssy), Ratu (Rahim Tuasikal), Rehan (Mory Talaohu), Uda Tuasikal, At Tuasikal , Uly Angkotasan / Tuankotta, Darni Latuconsina, deng Cum Tualeka. Kalu di GRAHA STUSSY PAMAKIRI ada Ricky Latupono deng Sain Salampessy. Kalu A' Ciko Tuakia deng Fanky (Sani Tuakia) di GRAHA KUMALA PAKAPITA - MUAI. Sedangkan Aji Sahubawa tinggal di VILLA BATEK LESSYROHI. Hi sabar do ka, ada kurang satu personil ka'apa ini...??? Ya'uwa he, beta lupa Iyoud (Yudi Talaohu) aleeee.... Dia bermarkas di GRIYA ANTON LOARUTU. Tapi ale ooo, katong pung personil satu ini dia lebe sering maeng di Makassar Tengah dan sekitarnya. Jarak dari satu tampa kost ka tampa kost laeng, cuma jarak 200 - 300 meter saja.
Suda to, beta su perkenalkan menu deng personil samua to, lapo sakarang kembali ke laptop...!!! He ouw he, beta su bilang Tukul pung bahasa lai. Maksud beta, kembali ke judul. Hari itu pas hari rabu, tanggal 06 Juni 2007, Graha Mappaodang Pamalona ada kedatangan tamu dari bagian Makassar Timur (Center Perintis) par malam - malam. Padahalo dong ini musush bebuyutannya Makassar Barat dalam PERANG BLOG. Tapi dong barane kahu kampong aleeeee.... Dong yang muncul ini o, Ucan Latuconsina, Ajis (Hadi Talaohu) deng Eros Latupono. Ucan deng Ajis ini kan pentolannya Waehenu. Su tau jua to, ANDET'C - WAEHENU itu kan lagi perang urat syaraf dalam memperebutkan AER MASAWAE. Malam itu o beta ada dudu - dudu deng Melkhy deng Patrix di beta pung markas ini ne.. Satu kali Fhaldien dia kontek beta lai, satu kali katong langsung lari pamataputi ka Fhaldien dong. Datang baginio, Fhaldien, ratu, A'Ciko, deng rehan ada kawal dong. Langsung mulai katong berunding lai. Seng tau itu perundingan Linggarjati ka perundingan Roem Royen.
Satu kali katong ada asek bacarita baginio, pembicaraan akang maso ka hasida ini ne... Langsung secara spontan katong spakat par biking hasida malam itu. Walaupun malam itu bukan malam minggu, tapi karna katong kasiang par ana - ana Perintis, karna dong itu kapan dong mau makang hasida ne... (Dong kalu di Perintis itu dong cuma bajingan deng dong pung jaminan SILO saja, yang tinggal dong patungan, la pi kaluar bali akang di mata jalang...!!!). Padahalo su jam 9 malam, langsung A'Ciko deng Ajis pi bacakar bali bahan pake motor capat - capat. Selama A'Ciko dong pi balanja, katong berembuk par tentukan tampa biking acara mau di sapa pung markas. Akhirnya katong pilih Ricky pung markas di Graha Stussy Pamakiri. Karna di Garaha Mappaodang Pamalona itu banya tetangga yang su berkeluarga, takutnya dong tergagnggu deng katong pung acara. Pengaruh katong samua itu pamoku ira rata - rata ale po... Terutama Rehan alias KLAMEDI (KLAKSON MESIN DIESEL). Sadiki bagini o, A'Ciko dong datang lalu katong bawa bahan - bahan ka Ricky pung markas. Acara malam itu cuma sandiri katong laki - laki saja. Cewe - cewe dong su tidor. Jang kira katong laki - laki seng tau mamasa. La sampe di Ricky dong bagini o, hi'... Alat - alat dapur seng lengkap aleeeee.... la mulai beta pi ambe beta pung, Fhaldien pi ambe dia pung. Katong bawa datang itu, kompor suwe tihai sa, kawali suwe tihai sa, dandang suwe tihai sa, akikimomol suwe tihai sa, tapis suwe tihai sa, pinana laha sendo suwe tihai sa. La mulai katong campor adonan lai...
Katong biking hasida kamuka. Katong pake tarigu dua kilo. baru campor adonan hasida saja su jam 12 malam. To la nanti katong mau makang jam barapa ne..? Abis campor adonan, la mulai siap masa akang. Yang pung tugas bale - bale akang di kuali itu khusus yang pung badang - badang basar. Karna kuwali seng muat par masa satu kaligus, jadi katong bage adonan par 4 kali masa. Yang bale pertama, A'ciko, kedua Melkhy, ketiga Fhaldien, keempat Patrix. Katong sangaja pilih yang pung badang - badang basar par bale akang, karna akang butuh tenaga ekstra aleeee... 
Akang pung nama saja MA'ALAKA TATU'O. Tapi hasida ini akang makang waktu aleee.. Su stengah tiga malam, baru samua masa aleeee... La mulai katong timba akang dari kuwali ka masing - masing pung piring. hi, tapi seng sadar bagini aleo, ana - ana Perintis dong menghilang tiba - tiba ini neee... Cek pung cek bagini aleooo, dong tiga ada tidor sono di kamar ini ne. La mulai katong bilang ka kastinggal dong bagitu, jang kasbangong dong, sampe hasida abis baru kasbangong dong. Ternyata dong balong sono aleee, la mulai dong lari palambur kaluar dari kamar lai, (ternyata dong ja ru'u - ru'u akal ini ne). La mulai katong makang lai. Pas ada asek makang bagini, langsung tiba - tiba ada bunyi piring pica aleeee... Cek pung cek bagini ternyata #####CENSORED#####. Abis makang hasida, la mulai katong siap - siap masa baras pulut. mangkali ana - ana Perintis dong malu hati, karna dari tadi dong seng karja ka... la mulai Ucan deng Ajis dong dudu paru kalapa. nasi pulut akang masa, pas su tarhim subuh di mesjid aleeee... La mulai latong makan sambil nonton bola (Kualifikasi EURO). Yang ada kaya katong makang saur aleee... Orang biking jaminan itu par tambah darah, tapi katong pung ini o par kasmati darah aleeee... Hi, tapi jang sangaja po, katong samua seng bisa kas abis masing - masing pung nasi pulut satu piring, barang akang kakowa ale po. abis nonton bola, la mulai masing - masing bacakar cari posisi par tidor. Kamar yang ukuran 6 x 6 m, katong spuluh orang tidor pahala - hala di dalam akang.
Katong samua bangong par jam sepuluh pagi. Nasi pulut sisa yang tadi malam katong seng kas abis akang itu, la mulai katong minum teh deng akang lai.. abis minum teh, katong manyimpang barang - barang samua, la katong angka bawa pulang barang - barang dapur. Yang katong pegang itu, panci suwe tihai sa, kompor suwe tihai sa, porteng suwe tihai sa, piring deng sendo suwe tihai sa.. Katong rembeng akang lewat jalan raya.. Su tau katong ana - ana Makassar Barat pung Cuek to...??!! Rencana siang ini katong mau biking papeda, tapi ana - ana Perintis dong ada pung urusan di kmpus aleee.. Akhirnya gagal. abis taru ana - ana Mappaodang pung barang - barang, la beta, Meki deng Ajis bawa pulang beta pung barang - barang. Sampe di beta pung kamar bagini o, katong karaoke satu-dua lagu, baru katong tidor kasbae katong pung turur tadi malam ituuuuu.....!!!! SEKIAN...........!!!!!!!!!!!!
Sedangkan katong pung tampa biking acara itu biasa katong rolling di masing - masing pung tampa kost. Ya'uwa he, beta balom kaskanal katong pung personil sekalian deng masing - masing pung markas. Kalu beta deng Patrix (Patty Salampessy) tinggal di GRAHA KUMALA PAKAPITA. Kalu di GRIYA MAPPAODANG PAMALONA ada Melkhy (Malik Tuasikal), Fhaldien (Fahmy Marssy), Ratu (Rahim Tuasikal), Rehan (Mory Talaohu), Uda Tuasikal, At Tuasikal , Uly Angkotasan / Tuankotta, Darni Latuconsina, deng Cum Tualeka. Kalu di GRAHA STUSSY PAMAKIRI ada Ricky Latupono deng Sain Salampessy. Kalu A' Ciko Tuakia deng Fanky (Sani Tuakia) di GRAHA KUMALA PAKAPITA - MUAI. Sedangkan Aji Sahubawa tinggal di VILLA BATEK LESSYROHI. Hi sabar do ka, ada kurang satu personil ka'apa ini...??? Ya'uwa he, beta lupa Iyoud (Yudi Talaohu) aleeee.... Dia bermarkas di GRIYA ANTON LOARUTU. Tapi ale ooo, katong pung personil satu ini dia lebe sering maeng di Makassar Tengah dan sekitarnya. Jarak dari satu tampa kost ka tampa kost laeng, cuma jarak 200 - 300 meter saja.
Suda to, beta su perkenalkan menu deng personil samua to, lapo sakarang kembali ke laptop...!!! He ouw he, beta su bilang Tukul pung bahasa lai. Maksud beta, kembali ke judul. Hari itu pas hari rabu, tanggal 06 Juni 2007, Graha Mappaodang Pamalona ada kedatangan tamu dari bagian Makassar Timur (Center Perintis) par malam - malam. Padahalo dong ini musush bebuyutannya Makassar Barat dalam PERANG BLOG. Tapi dong barane kahu kampong aleeeee.... Dong yang muncul ini o, Ucan Latuconsina, Ajis (Hadi Talaohu) deng Eros Latupono. Ucan deng Ajis ini kan pentolannya Waehenu. Su tau jua to, ANDET'C - WAEHENU itu kan lagi perang urat syaraf dalam memperebutkan AER MASAWAE. Malam itu o beta ada dudu - dudu deng Melkhy deng Patrix di beta pung markas ini ne.. Satu kali Fhaldien dia kontek beta lai, satu kali katong langsung lari pamataputi ka Fhaldien dong. Datang baginio, Fhaldien, ratu, A'Ciko, deng rehan ada kawal dong. Langsung mulai katong berunding lai. Seng tau itu perundingan Linggarjati ka perundingan Roem Royen.
Satu kali katong ada asek bacarita baginio, pembicaraan akang maso ka hasida ini ne... Langsung secara spontan katong spakat par biking hasida malam itu. Walaupun malam itu bukan malam minggu, tapi karna katong kasiang par ana - ana Perintis, karna dong itu kapan dong mau makang hasida ne... (Dong kalu di Perintis itu dong cuma bajingan deng dong pung jaminan SILO saja, yang tinggal dong patungan, la pi kaluar bali akang di mata jalang...!!!). Padahalo su jam 9 malam, langsung A'Ciko deng Ajis pi bacakar bali bahan pake motor capat - capat. Selama A'Ciko dong pi balanja, katong berembuk par tentukan tampa biking acara mau di sapa pung markas. Akhirnya katong pilih Ricky pung markas di Graha Stussy Pamakiri. Karna di Garaha Mappaodang Pamalona itu banya tetangga yang su berkeluarga, takutnya dong tergagnggu deng katong pung acara. Pengaruh katong samua itu pamoku ira rata - rata ale po... Terutama Rehan alias KLAMEDI (KLAKSON MESIN DIESEL). Sadiki bagini o, A'Ciko dong datang lalu katong bawa bahan - bahan ka Ricky pung markas. Acara malam itu cuma sandiri katong laki - laki saja. Cewe - cewe dong su tidor. Jang kira katong laki - laki seng tau mamasa. La sampe di Ricky dong bagini o, hi'... Alat - alat dapur seng lengkap aleeeee.... la mulai beta pi ambe beta pung, Fhaldien pi ambe dia pung. Katong bawa datang itu, kompor suwe tihai sa, kawali suwe tihai sa, dandang suwe tihai sa, akikimomol suwe tihai sa, tapis suwe tihai sa, pinana laha sendo suwe tihai sa. La mulai katong campor adonan lai...
Katong biking hasida kamuka. Katong pake tarigu dua kilo. baru campor adonan hasida saja su jam 12 malam. To la nanti katong mau makang jam barapa ne..? Abis campor adonan, la mulai siap masa akang. Yang pung tugas bale - bale akang di kuali itu khusus yang pung badang - badang basar. Karna kuwali seng muat par masa satu kaligus, jadi katong bage adonan par 4 kali masa. Yang bale pertama, A'ciko, kedua Melkhy, ketiga Fhaldien, keempat Patrix. Katong sangaja pilih yang pung badang - badang basar par bale akang, karna akang butuh tenaga ekstra aleeee... 
Akang pung nama saja MA'ALAKA TATU'O. Tapi hasida ini akang makang waktu aleee.. Su stengah tiga malam, baru samua masa aleeee... La mulai katong timba akang dari kuwali ka masing - masing pung piring. hi, tapi seng sadar bagini aleo, ana - ana Perintis dong menghilang tiba - tiba ini neee... Cek pung cek bagini aleooo, dong tiga ada tidor sono di kamar ini ne. La mulai katong bilang ka kastinggal dong bagitu, jang kasbangong dong, sampe hasida abis baru kasbangong dong. Ternyata dong balong sono aleee, la mulai dong lari palambur kaluar dari kamar lai, (ternyata dong ja ru'u - ru'u akal ini ne). La mulai katong makang lai. Pas ada asek makang bagini, langsung tiba - tiba ada bunyi piring pica aleeee... Cek pung cek bagini ternyata #####CENSORED#####. Abis makang hasida, la mulai katong siap - siap masa baras pulut. mangkali ana - ana Perintis dong malu hati, karna dari tadi dong seng karja ka... la mulai Ucan deng Ajis dong dudu paru kalapa. nasi pulut akang masa, pas su tarhim subuh di mesjid aleeee... La mulai latong makan sambil nonton bola (Kualifikasi EURO). Yang ada kaya katong makang saur aleee... Orang biking jaminan itu par tambah darah, tapi katong pung ini o par kasmati darah aleeee... Hi, tapi jang sangaja po, katong samua seng bisa kas abis masing - masing pung nasi pulut satu piring, barang akang kakowa ale po. abis nonton bola, la mulai masing - masing bacakar cari posisi par tidor. Kamar yang ukuran 6 x 6 m, katong spuluh orang tidor pahala - hala di dalam akang.Katong samua bangong par jam sepuluh pagi. Nasi pulut sisa yang tadi malam katong seng kas abis akang itu, la mulai katong minum teh deng akang lai.. abis minum teh, katong manyimpang barang - barang samua, la katong angka bawa pulang barang - barang dapur. Yang katong pegang itu, panci suwe tihai sa, kompor suwe tihai sa, porteng suwe tihai sa, piring deng sendo suwe tihai sa.. Katong rembeng akang lewat jalan raya.. Su tau katong ana - ana Makassar Barat pung Cuek to...??!! Rencana siang ini katong mau biking papeda, tapi ana - ana Perintis dong ada pung urusan di kmpus aleee.. Akhirnya gagal. abis taru ana - ana Mappaodang pung barang - barang, la beta, Meki deng Ajis bawa pulang beta pung barang - barang. Sampe di beta pung kamar bagini o, katong karaoke satu-dua lagu, baru katong tidor kasbae katong pung turur tadi malam ituuuuu.....!!!! SEKIAN...........!!!!!!!!!!!!Kembali ke:
HATUHAHA - KARIKATUR
